Borbora Wiesnerec – Grosse Meditierende (Wulka meditěrowaca), 2018, dubowe drjewo, 120×120×400 cm,
foto: Maćij Bulank
Rězbarka Borbora Wiesnerec (rodźena 1974) wotrosće w Barće a chodźeše na Serbsku rozšěrjenu wyšu šulu w Budyšinje. W tamnišej wotnožce Wječorneje šule Wysokeje šule za tworjace wuměłstwo Drježdźany wobdźěli so na kursach pola Jana Buka a Hansa Kutschkeho. Wot 1992 do 1998 studowaše w Drježdźanach plastiku a rězbarstwo. Po wuměłskim studiju přizamkny na Drježdźanskej Wysokej šuli za tworjace wuměłstwo natwarjacy studij wuměłskeje pedagogiki. Wot toho časa skutkuje jako swobodna wuměłča a wuměłska pedagogowka.
Jako rězbarka wobdźěłuje Wiesnerec drjewo kaž tež kamjeń a wěnuje so wulkim formatam. Při tym wudźěłuje abo wuzběhuje njehładkosće, kotrež ćahnu kedźbnosć na material dynamisce skutkowacych skulpturow a přeprošuja wobhladowarja, so z widźanym rozestajeć.
