Korjenje mocy

rostu hłuboko do zemje.

Z hłubokeho žórła

so mocow nasrěba.

Duch so rozpřestrěwa,

stupajo do wyšin.

Mjez njebjom a zemju

steji wona zrunana.

Zwjazuje to horjeka

z deleka.

Přetož w sebi ma

zachod žiwjenja.

Wona wobchowa měr.

Zapřimnje,

zo nichtó nima prawo nad njej.

Spóznaje,

zo jeje byće prawo da jej.

A plunje had raz jěd na nju,

hlada hadej do wobliča.

Wona měr wobchowa.

Wona za sebje steji

a do sebje wěri,

kaž do Boha.

  MARIE-CHARLOTT ČORNAKEC