prošu wodajće

je mi žel

wójna njebudźe

nichtó mje njeje prowokował

nichtó mi njeje ničo preč wzał

nichtó mje njeje małeho muža mjenował

pósćelće wšěch domoj

njech so stanu ze synami mužemi nanami

lubowarjemi rjanych wuměłstwow

krawcami mojedla

kotrychž krejelačnosć za sydom muchow dosaha

burja njech přetwarja wšo na radlicy

abo na to štož dźensa za wobdźěłanje pódy trjebaja

wusyjće kwětki na łuki

wusadźejće ryby do hatow

lubujće a množće swój skót

wučće swoje dźěći abo

pućujće z nimi po krajach

čińće štož so wam spodoba

wostudło drje njebudźe

mi tež nic

wo mnje so njestarajće

snano nawuknu cuzu rěč

pisam basnje

štó wě

k čemu sym kmany

hdyž njełakam na přiležnosć k zwadźe

snano sam sebje nadeńdu

SYLWIJA ŠĚNOWA